Recent Articles

HAPPY BIRTHDAY JWTZ 50 YRS, 2014

- by Happiness Katabazi · - 0 Comments

HAPPY BIRTHDAY JWTZ  50 YRS,  2014

Na Happiness Katabazi
LEO Septemba Mosi Mwaka 2014 , Jeshi la Ulinzi la Wananchi wa Tanzania ( JWTZ), linaloongozwa na Jenerali Davis Mwamunyange "Babu Mnyange au Mchuna ngozi'', limetimiza umri wa Miaka 50  tangu lilipoundwa rasmi  mwaka 1964.

Namuita ' Babu Mnyange', Mchuna Ngozi' , kwasababu Moja, mwanangu Queen Mwaijande 'Malkia' akimuona kwenye Televisheni CDF- Mwamunyange , hawezi kulitamka Jina hilo kama lilivyo analitamka hivi ' Babu Mnyange '.

Na kwakuwa Miaka ya nyuma  kuliibuka matukio ya uchunaji binadamu ngozi huko Mkoani Mbeya.

Mwamunyange yeye ni Mnyakyusa toka Wilaya ya Kyela na Mwaijande  yeye ni Mnyakyusa wa Tukuyu - Masoko Mkoani Mbeya, hivyo Mimi Huwa nawataniaga wote hawa ni watu wanaotokea Mkoa wa Mbeya hivyo wote ni  ' Wachuna Ngozi''.

Kabla ya kwenda Mbali , napenda ni tangaze Kuwa Nina maslahi ya  JWTZ Kwani wazazi wangu ni watumishi wa Jeshi Hilo na Familia yetu  inatibiwa Katika Hospitali ya Jeshi Hilo Lugalo na watoto wote tuliozaliwa Katika Hospitali hiyo na hadi sasa tukiugua tunatibiwa Katika Hospitali hiyo hivyo  na mimi binafsi kupitia kazi yangu ya Uandishi wa Habari nimeripoti habari nyingi za jeshi hilo tangu Mkuu enzi zile Mkuu wa Jeshi hilo akiwa Jenerali Mstaafu, Wilfred Mboma hadi sasa JWTZ Inaongozwa na Jenerali Mwamunyange.

Hivyo haya ninayoyaandika ninayafahamu Kwani mengine nimeyashuhudia  kwa macho na mengine nimeelezwa na baadhi ya Wanajeshi ambao ni marafiki zangu na wengine ni mashabiki wakubwa wa makala zangu ila  siwezi kutaja Majina Yao kwasababu siyo wasomaji wa Jeshi.

JWTZ ilizaliwa Mwaka 1964 baada kuchukua  nafasi iliyokuwa ikishikiliwa na Jeshi  la Kikoloni  la King’s African Rifles (KAR) lilovunjwa  baada ya kutokea kile kilichoelezwa kuwa ni machafuko  ya Januari 1964.

Leo wakati  JWTZ  Ikitimiza Miaka 50 tangu kuzaliwa kwake, pia ndiyo siku aya hitimisho ya maadhimisho ya sherehe hizo yaliyofanyika kwa zaidi ya wiki moja huko Zanzibar ambapo tumeongea Michezo mbalimbali imefanywa na Askari wa JWTZ pia tumeshuhudia maonyesho ya silaha za kivita zilizokuwa zikionyeshwa na  JWTZ Katika kambi zake mbalimbali na Hilo limedhiirisha Jeshi letu lipo imara na ina vifaa Vya kisasa na lipo timamu wakati wowote Kupambana na adui ambaye atatuchokoza.

Wakati jeshi letu linatimiza Miaka 50 , wanajeshi wetu wamefanya mengi licha ya kushiriki kwenye ukombozi wa nchi nyingi za kusini mwa Afrika, kushiriki shughuli za kulinda amani " Peace Keeping'  nchi mbalimbali ikiwemo Kongo, Sudan, Liberia ili kuhakikisha zinakuwa huru kama ilivyo kwa Tanzania,JWTZ, imekuwa ni tanuri la kuyapika baadhi ya majeshi mengine ya nchi za Afrika.

Wananchi wenzangu waliopata fursa ya kutembelea maonyesho hayo watakubaliana nami kwamba jeshi letu sasa limekubali kubadilika na sasa limeanza kufanya kazi Kisayansi na Kiteknolojia na kwamba limekataa kuendelea kufanya kazi zake gizani na wasiwasi mithili ya mtu anayeoga barazani.

Binafsi Nikiwa mtoto wa Mwanajeshi niliyezaliwa na kuishi  pale ' Area D' Lugalo Block Namba 19, Dar Es Salaam,  Enzi zile za Miaka 1979  hadi 1989 na kusoma shule Chekechea Service na kisha darasa la kwanza hadi la tatu katika Shule ya Msingi Lugalo Dar es Salaam na  ' Pololo la JWTZ limenikuza' , Kwasababu Baba yangu Mzazi Thadeo Katabazi alikuwa Mwanajeshi wa JWTZ na mama yangu Mzazi Oliva hadi sasa bado ni mtumishi raia kikosi cha 521 KJ.

Natoa   pongezi kwa wafanyakazi wote wa JWTZ na Wizara ya Ulinzi na Jeshi la Kujenga Taifa, chini ya Waziri Dk.Hussein Mwinyi kwanza kutimiza umri wa Miaka 50.

Pili, kwa  uamuzi wake wa kuondokana na fikra za kizamani za kuficha ficha dhana za kivita kwenye maandaki  kwa kisingizio  kuwa maadui zetu watafahamu jeshi letu lina zana zipi za kivita.

Kwani  tangu Jenerali Mwamunyange ateuliwe na Rais Jakaya Kikwete kuongoza JWTZ, Septemba mwaka 2007, kuongoza jeshi hilo sote ni mashahidi tumekuwa tukiona JWTZ katika sherehe mbalimbali ikituma wanajeshi wake kuonyesha dhana zake za kivita, makomando wa JWTZ  wamekuwa wakitoa 'SHOW' pale Uwanja wa Taifa katika sherehe mbalimbali kitaifa. 

Binafsi napenda sana ' SHOW' inayotolewaga na Makomando wetu kwani ' SHOW' hizo zimetufanya tujue kazi ya Komando ni nini na kwamba ni kweli JWTZ ina makomando hodari na kufahamu kuwa kumbe Komando ni binadamu kama sisi kwani hapo awali kabla hatujawaona   Makomandoo  'wakitoa  'SHOW' tulikuwa  tunajiuliza HIvi Makomandoo ni  watu wa aina gani?Je ni binadamu Kama sisi? 

Sasa kupitia SHOW ya Makomandoo hao tumeweza kutambua kuwa Komando ni binadamu kama binadamu wa kawaida ila tofauti ni kwamba Komando ana mafunzo makali ya mazoezi ya kumkabili adui kuliko sisi raia na hata askari wengine ambao si Makomandoo.

MKuu wa KIkosi  Cha   521KJ  Lugalo Hospital, Dk.Makele  na uongozi wa JWTZ  Nawapongeza  kwa kuleta    Mabadiliko makubwa Katika kikosi hicho ambacho kinaendesha  Hospitali Kuu ya JWTZ Lugalo  Kwani chini ya uongozi wake   Duka la Madawa ambalo linahudumia wagonjwa wanaofika hospitalini kutibiwa kwa kutumia  vitambulisho Vya  Bima ya Afya.

Kwani hapo zamani Duka Hilo la kuhudimiwa wagonjwa wanaotibiwa kwa kutumia vitambulisho vya Bima ya Afya halikuwepo, Hali iliyokuwa ikileta Usumbufu kwa wagonjwa walikuwa wanaotibiwa  Kwa kutumia Bima ya Afya kwenda kuchukua dawa maduka ya madawa nje ya hospitali hiyo.

Chini ya Uongozi wa CDF- Mwamunyange , Hospitali ya Lugalo   imeweza kupanuliwa na kuboreshwa na inaendelea kupanuliwa pia hospitali hiyo hivi sasa ina  Chumba Cha kulaza wagonjwa mahututi(ICU)  na pia Hospitali Hiyo imepandishwa  hadhi na kuwa Hospitali ya Rufaa.

Aidha Katika uongozi wa CDF- Mwamunyange tumeshuhudia wodi ya watoto iliyokuwa ndani ya eneo la Hospitali ya Jeshi Lugalo, kuamishiwa katika ndani ya eneo la kombani ya Bendi ya Jeshi Hilo Mwenge Dar Es Salaam, ambapo wodi hiyo Bado ipo ndani ya kikosi Cha 521KJ I nafanyakazi saa 24 na huduma zake niza uhakika.

Pia napongeza manesi,madaktari, wahudumu wa Hospitali ya Lugalo Kwai wamekuwa na nidhamu ya Hali ya juu kwa kupokea na kuwahudumia vizuri wagonjwa Ndio mAana hatuzikwi wananchi wanaofika hospitalini hapo kupata huduma ya matibabu wakilalamika Kuwa wanapata huduma mbovu na wahudumu wanawatolea maneno machafu.

Katika Utawala wa Rais Kikwete tumeona siku ile Kikwete anaenda kuzindua Makao Makuu ya Kikosi Cha Askari wa Miguu( Land Force ) , alitangaza kuwaongezea Mbele umri wa Miaka mitatu ya kustaafu Wanajeshi wetu .

Wakati Leo JWTZ ikisherehekea Miaka 50 , tumeshuhudia mabadiliko na kange zako la mishahara na lesheni kwa Wanajeshi wetu na Wanajeshi wenye shukurani ukikaa nao wanamsifu sana Mwamunyange wanasema ni kipenzi Cha wanajeshi Kwani anapigania maslahi Yao na pia wanaiopongeza Rais Kikwete Kwani Katika Utawala wake ameweza kuijali sana JWTZ.

Aidha tumeshuhudia ndani ya Miaka 50 ya JWTZ  ,ujenzi wa nyumba makazi ya Wanajeshi na familia zao inashika kasi Kwani ndani ya eneo la Lugalo Hospitali,  ujenzi wa makazi ya wanajeshi inazidi kushika kasi na majengo mengine yamekamilika na Tayari Wanajeshi na familia zao wanaishi.

Septemba 2007 wakati Mwamunyange alivyoapishwa Ikulu na Rais Kikwete kushika wadhifa huo wa Ukuu wa Majeshi Nilikuwepo, na Alisema hatawavumilia wanajeshi wake watakaobainika kuwapigia raia na kwamba ataamuru wafikishwe Katika mahakama ya kiraia washitakiwe.

Ni kweli tumeshuhudia baadhi ya Wanajeshi wakifunguliwa Kesi kati Mahakama za kiraia. Mfano mzuri ni wale Wanajeshi waliyoshitakiwa kuwa kosa la mauji ya Swethi Fundikila na Mahakama Kuu Kanda Ya  Dar Es Salaam, ikawakuta na hatia   na kuwahukumu Adhabu ya kifo.

Aidha Mwaka Juzi tulishuhudia zaidi ya Wanajeshi wa tano wakifikishwa Katika Mahakama ya Hakimu Mkazi Kisutu kwa kosa la Mauji ambapo walilitenda karibu na Kituo Cha Polisi Kawe ambapo waliomua raia kwa kipigo.

Pia Mwaka Juzi tulishuhudia Kanali Ayoub Mwakang'ata , Kanali Felix Samilani wakifunguliwa kesi ya matumizi mabaya ya madaraka Na. 163/2012, Katika  Mahakama ya Hakimu Mkazi Kisutu Mbele ya Aliyekuwa Hakimu Mkazi wa Mahakama hiyo ambaye kwasasa ameamishiwa   Mkoa wa Kagera, Alocye Katemana , Aprili 23 Mwaka huu,   alitoa hukumu ya kuwaachiria Huru maofisa Hao wa juu wa Jeshi baada ya kuona hawana hatia.

Binafsi Kesi hii ambayo ilisababisha maofisa wa juu wa ngazi ya Cheo Cha Brigedia Jenerali kufika mahakamani hapo kutoa ushahidi wa Kuwatetea maofisa Hao Kuwa hawajatenda makosa waliyoshitakiwa nayo.

Hata hivyo tangu kesi hii ilipoanza hadi kumalizika, nilishuhudia Askari polisi walikuwa waniogopa kuwasogolea wanajeshi Hao na nilipokuwa nawahoji ni kwanini Polisi hawawalindi  sana maofisa hao wa JKT  Kwani nao Mbona ni washitakiwa Kama washitakiwa wengine.

Polisi walikuwa wakinijibu wakisema Hao maofisa wa JKT ndiyo wenye nchi. Nikawa nacheka sana. Na baadhi ya   Wanajeshi wenzao wakati wote wa Kesi walikuwa wakija kuwasindikiza na kusikiliza kesi hiyo .

Binafsi nilipata fursa ya kuiripoti Kesi hiyo tangu ilipofunguliwa siku ya kwanza hadi ilipomalizika Aprili 23 Mwaka huu. Kesi hii ilinifundisha Kuwa Wanajeshi wetu wananidhamu ya Hali ya juu na wanamshikamano.

Kwani ingelikuwa ni majeshi ya nchi nyingine, siku ile maofisa wa JWTZ wanafikishwa Katika Mahakama ya Kisutu ' Pangechimbika bila Jembe' , na ndiyo mAana msafara wa maofisa Hao uliotokeoa Makao Makuu ya Takukuru , Upanga Dar Es Salaam, ulisindikizwa na Brigedia Jenerali mmoja kwaajili ya Ulinzi na hata polisi walikuwa hawasogelei Yale Magari walivyokuwa wamepanda  maofisa Hao.

Sote ni mashahidi kila kukicha tumekuwa  tukisikia  au kuona majeshi ya nchi nyingine za Afrika yamekosa mshikamano wake kweli na hivyo kufikia uamuzi wa baadhi ya wanajeshi wake kuasi na kuanzisha vikundi vyao haramu vilivyoweka maskani yake Msituni  na lengo la vikundi hivyo vya waasi limekuwa ni kupambana na jeshi linaloshika hatamu kwa wakati huo.

Vikundi hivyo wa Waasi wa majeshi hayo vinakuwa na Dhamira Kuu  ya kupindua serikali kisha watwae madaraka, jambo ambalo limeleta  machafuko   katika nchini nyingi lakini kwa kuwa Mungu bado anaipenda nchi yetu, JWTZ bado haijafikia hatua hiyo kwani wanajeshi wake wana mshikamano wa dhati.

Kwa wale tunaopenda kutembelea vikosi, makambi ya JWTZ tumekuwa tukiona zana mbalimbali zikiwamo maghala ya silaha, ndege za kivita n.k, lakini pindi umuulizapo mwanajeshi hata kama ni rafiki yako kwamba ile ni silaha aina gani au komandoo naye anafamilia? Mwanajeshi ataishia kukujibu kwa mkato “fuata kilicho kuleta, hizo ni siri za jeshi hutakiwi kujua, umekuja kutupeleleza na utaruka kichurachura sasa hivi.”

Wakati nikitoa pongezi kwa maadhimisho hayo, nitoe angalizo kwa jeshi letu kwamba bado wananchi wana imani nalo licha ya kuwapo kwa baadhi ya vitendo vya utovu wa nidhamu unaofanywa na baadhi ya askari wa chache, hivyo ambayo wakati mwingine vitendo hivyo vinalipaka matope jeshi.

Hata hivyo, hivi sasa jeshi letu limekuwa likitoa ushirikiano kwa Jeshi la Polisi pindi wanapokamatwa wanajeshi kwenye matukio ya ujambazi na hatimaye wanafikishwa mahakamani na mfano mzuri ni Kesi ya mauji maarufu Kama  Kesi ya ' Ubungo Mataa' ambayo inaendelea Katika Mahakama Kuu Kanda ya Dar Es Salaam, ambayo miongoni mwa washitakiwa ni Wanajeshi.

Naunga mkono ombi la CDF- Mwamunyange, katika maadhimisho haya ambapo katika hotuba zake kila alipokuwa akitembelea kambi zake pamoja na mambo mengine alikuwa akiwaomba  raia wawe na uhusiano mwema na jeshi hilo. Lakini napenda kutoa angalizo kwamba uhusiano mwema kati ya pande hizo mbili uwe na mipaka na masilahi ya kwa nchi.

Uhusiano mwema huo usiwe ni ule wa baadhi ya wanajeshi wetu kutumia mafunzo ya kivita waliyoyapata kwenye vyuo vyao vya kijeshi, wakaanza kutoa mafunzo hayo kinyemela kwa baadhi ya wananchi watukutu ili mwisho wa siku waunde magenge ya kihalifu kwa maana ya mwanajeshi anatoa mafunzo kwa raia, silaha na kumcholea michoro ya kwenda kufanya ujambazi.

Na baadhi ya Wanajeshi   ambao nimekuwa nikiwadadisi kuhusu hali hiyo kila mmoja wao kwa nafasi yake wamekuwa wakinijibu kwamba Kurugenzi ya Habari ya jeshi haipo huru hivyo na wao imekuwa ikiwawia vigumu kuwasilisha maombi yetu kwa maafande wao.

Ni rai yangu kwa Jenerali Mwamunyange na makamanda wako mlitazame hili, kwa mtazamo mpana, kwani wananchi wanahitaji kupata taarifa za jeshi lao ambapo taarifa hizo jeshi litahakikisha linatoa taarifa ambazo hazimnufaishi adui wa taifa letu.

Sasa kwa hali hiyo, tunaona kwamba kuna wananchi wanaopenda kupata taarifa mbalimbali za jeshi letu, wengine wanapenda kujiunga na jeshi hilo, kutembelea makumbusho ya jeshi lakini kwa sababu ya jeshi hili ama kwa kushindwa kuwa karibu na wananchi ama kwa kuandaa vipindi maalumu katika televisheni au redio au kuweka taarifa mpya mara kwa mara katika tovuti ya jeshi hilo ambalo lilizinduliwa na Luteni Jenerali Abdulahman Shimbo, pale Upanga Mess, ambapo nami nilikuwa miongoni mwa waandishi wa habari tuliohudhuria uzinduzi wa tovuti hiyo, kama wanavyofanya Jeshi la Polisi hivi sasa ndiyo kuna sababisha wananchi wengi kubaki gizani kuhusu utendaji wa jeshi letu.

Lakini cha kushangaza kama si cha kustaajabisha, licha ya JWTZ kuwa na wasomi wa taaluma ya teknolojia ya habari lakini tovuti ya jeshi hilo imekuwa haina vitu vingi, ama kuweka taarifa mpya za mara kwa mara na Sioni  Kama wahusika wanafanya jitihada za kutangaza Website  ya Jeshi Kwani hata lile Gazeti la Ulinzi hivi sasa  ni Kama limekufa vile Kwani halionekani mtaani kwa Wingi na kwa wakati Kama zamani. Mwamunyange " Mchuna Ngozi' Kulikoni  Gazeti la Ulinzi? 

Mwamunyange  kama JWTZ haina   fedha za kulipa kiwandani gazeti la Ulinzi lichapwe, ni kheri utembeze 'Bakuri' na utangaze  kuwa JWTZ ' limefulia' halina fedha za kuchapisha gazeti hilo, naamini  makampuni yatajitokeza kusaidia gharama za uchapaji kuliko kufanya Watanzania wengi wasilipate gazeti hilo kwa wakati na wasiwe na uhakika wa kulipata. 

Hata hivyo Changamoto nyingine inayowakabili Jeshi Hilo ni kwamba kuna malalamiko ya chini Kwa chini toka kwa baadhi ya Wanajeshi wake Kuwa ruhusa za kwenda kusoma elimu ya juu na JWTZ kuwalipia Karo wanajeshi wake imekuwa ni finyu sana wahitaji Wengi hawapati hitachi Hilo la kusomeshwa na Fedha za Jeshi.

Niitimishe kwa Kusema kwamba Hakuna Shaka Kuwa JWTZ inastahili pongezi Leo ikiwa linatimiza  Miaka 50  kwasabab limepitwa  hatua  kubwa za kimaendeleo licha bado linaitaji kuongeza kasi ya kujiletea  maendeleo Kwani hapo zamani Wanajeshi Wengi walikuwa hawajasoma lakini Leo hii ndani ya majeshi yetu wasomi ni Wengi na sisi Tunaosoma vyuoni ni mashahidi idadi ya Wanajeshi kujiunga na vyuo vikuu mbalimbali ili kujiendeleza kielimu inaongezeka. Hongereni sana.

Nakupongeza CDF - Mwamunyange na watangulizi wake na wanajeshi wake kwa kuakikisha Tanzania inazidi sehemu salama ya kuishi kwani Leo hii Tanzania ni nchi ya kupigiwa mfano kwasababu bado haina ingia Kwenye vita licha ya kumekuwepo na baadhi ya watu wachache ambao wamekuwa wakifanya vitendo Vya kuhatarisha Usalama wa nchi yetu lakini hata hivyo vyombo vyetu Vya dola vikiwadhibiti mapema na hatimaye wananchi tumekuwa tukiishi kwa Amani na wawekezaji wa kigeni wamekuwa wakija nchini kuwekeza.

Happy Birthday JWTZ  kutimiza Miaka 50 Mwaka 2014. 

Makala hii imeandaliwa na :
Happiness Katabazi
Ofisa Habari wa Chuo Kikuu Cha Bagamoyo (UB),
Chanzo: Facebook: Happy Katabazi
Blog: www:katabazihappy.blogspot.com
Septemba Mosi Mwaka 2014.







KATABAZI: NIMEACHA KAZI GAZETI LA TANZANIA DAIMA

- by Happiness Katabazi · - 0 Comments



KATABAZI : NIMEACHA  KAZI GAZETI LA TANZANIA DAIMA
: KWASASA NI OFISA  HABARI CHUO KIKUU CHA BAGAMOYO(UB)

MIMI  Happiness Thadeo Katabazi (35), Leo Agosti 29 mwaka 2014 ndiyo siku yangu ya mwisho ya kufanyakazi Katika Gazeti la Tanzania Daima.

Nimeachakazi kwa Hiari yangu    katika Gazeti la Tanzania Daima linalotolewa na kampuni ya Free Media  Ltd  kwasababu Agosti  Mosi Mwaka huu,niliwasilisha notisi ya kuacha Kazi   na ombi  hilo lilikubaliwa na waliokuwa wakubwa wangu  wa Kazi.

Kwa heshima na taadhima napenda kutoa shukurani zangu za dhati kwa Mwenyezi Mungu Kwani alinipa Afya,Nguvu na maarifa nikaweza kulitumikia Gazeti la Tanzania Daima kwa Miaka nane sasa  kwa uaminifu na uadilifu wa Hali ya juu.

Kwasababu kwa Kipindi chote nilichofanya Kazi Kama Mwandishi wa Habari wa Gazeti Hilo sijawahi kuandika habari ambayo ilisababisha gazeti Hilo lifnguliwe kesi mahakamani.Namshukuru Mungu Katika Hilo.

Pia namshukuru mmiliki wa Gazeti la Tanzania kwani bila yeye kuanzisha Gazeti Hilo nisingepata ajira na limenilea.  Napenda kuwashukuru wafanyakazi wote wa gazeti hilo kwani tuliweza kufanyakazi pamoja licha wakati mwingine ilikuwa ikitokea Hali ya kutofautiana misimamo Katika baadhi ya mambo mbalimbali lakini yaliyopita Si ndwele tugange yajayo.

Navishukuru   vyombo vyote vya dola likiwemo Jeshi la JWTZ,Polisi, Magereza, Taasisi ya Kuzuia na Kupambana na Rushwa (TAKUKURU) Kwani baadhi ya maofisa wa vyombo hivyo walikuwa wakinipa  ushirikiano wa kutosha Katika Kazi yangu ya uandishi wa Habari za mahakamani kwa Miaka 16 sasa. 

Nimevitaja vyombo hivyo Vya dola Kwani Mwandishi makini na mjanja wa  Habari za mahakamani nilazima afanyekazi kwa kutegemea Polisi, Askari Magereza na TAKUKURU.

Nawashukuru sana Askari na maofisa wote wa majeshi hayo Kwani tulifanyakazi  pamoja na nilijifunza mambo mengi sana kutoka kwenu.Mungu awabariki na nitaendelea kuthamini mchango wenu Kwangu Kwani mlinifundisha  mengi hasa Askari wa Jeshi la Polisi " Manjagu".

Navishukuru vyama Vya siasa Chama Cha Malpinduzi( CCM), CUF, NCCR- Mageuzi , CHADEMA, Tanzania Labour Party , DP na vingine Kwani katika Kipindi chote Cha Kazi yangu ya uandishi wa Habari niliweza kufanya Navyo Kazi kupitia viongozi wa juu,Kati na wanachama wa vyama hivyo.

Kwa namna ya kipekee  napenda kuishukuru  Ofisi ya Mkurugenzi wa Mashitaka(DPP), iliyokuwa ikiongozwa na DPP aliyemaliza muda wake hivi karibuni, Jaji DK.Eliezer Feleshi Kwani ni yeye Jaji Feleshi  na timu yake ya Mawakili wa serikali walikuwa wakinipa ushirikiano Katika Kazi yangu ya uandishi wa Habari za mahakamani kwa Miaka Saba yote aliyokuwa ameshika wadhifa   huo wa DPP.

Namshukuru sana Jaji Feleshi Mungu ampe Maisha Marefu Kwani Jaji Feleshi yeye binafsi alikuwa na hadi sasa ni  Mpenzi  wa makala na Habari zangu za mahakamani na nimshauri mkubwa sana wa mambo yangu binafsi,kazi na shule yangu. Feleshi mimi namchukulia kama ni kaka yangu, mwalimu na mshauri wangu wa kazi yangu ya uandishishi wa habari, na kozi yangu ya Sheria.

Jaji Feleshi amekuwa akinikosoa ninapoandika  Habari au makala ambazo alikuwa akiziona hazikidhi matakwa ya kisheria na usalama wangu binafsi na nchi.

Na hadi sasa ajachoka kunishauri na amekuwa akinitaka kabla ya kuandika niwenafanya utafiti kwanza na kweli ushauri wake nimeuzingatia kwani hivi sasa amekuwa akiniambia sasa anaona fahari kwani uandishi wa makala zangu umebadilika imetoka Katika ngazi ya kiharakati , Ujinga na umemfika ngazi ya Kisomi.Namshukuru sana Jaji Feleshi 'Msukuma'.

Naushukuru uongozi wa Mhimili  wa Mahakama nchini chini Jaji Mkuu Mstaafu, Agustino Ramadhani na Jaji Mkuu wa sasa Mohamed Chande Othman kwasababu kuna baadhi ya Majaji, wasajili,makarani, walinzi wa Mahakama na watumishi wa Kada mbalimbali wa  Mahakama walinipa ushirikiano na kunifundisha mambo mbalimbali ya jinsi mahakama na serikali inafanyaje kazi bila kuchoka wakati nilipokuwa Mwandishi wa habari za mahakamani bila kuchoka.

Pia navishukuru Vyanzo Vyangu vingine Vya Habari ambavyo ni Mawakili wa kujitegemea,walalamikaji, washitakiwa waliopo nje kwa dhamana na waliopo ndani ya magereza walikuwa wakinipa taarifa mbalimbali kuhusu Kesi mbalimbali na kuaniarifu mapema Kuwa siku Fulani mahabusu waliopo Katika baadhi ya magereza watagoma lini , nawashukuru sana na taarifa hizo nilikuwa nazifikisha mahali husika zinafanyiwa Kazi.

Hata hivyo nayashukuru  makundi mengine yote yaliyokuwa yakinipa ushirikiano Katika Utendaji wangu wa Kazi.

 Pia na washukuru wasomaji na wapenzi wa makala zangu na Habari za mahakamani Kwani kwa Kipindi chote hicho mlikuwa mkisoma makala na Habari zangu wengine mlikuwa mkinipinga na wengine mlikuwa mkiniunga mkono.

Licha ya kuacha Kazi Gazeti la Tanzania Daima, napenda Kusema wazi  Kuwa Kazi ya uandishi wa Habari hasa uandishi wa Habari za mahakamani ' umbea' ipo Kwenye Damu yangu, nitaendelea kuandika makala na kuchangia mijadala tofauti kupitia mitandao ya kijamii bila kuvunja Sheria za nchi.

Kwa sasa nimepata Kazi Chuo Kikuu Cha Bagamoyo(UB) na Makamu Mkuu wa Chuo hicho ni Profesa Balozi Costa Ricky Mahalu, chenye Makao Makuu Mikocheni  kwa Warioba Dar es Salaam, Kama Afisa Habari wa Chuo Kikuu hicho. 

Nawakaribisha waandishi wa Habari wenzangu hasa wale waandishi wa Habari za mahakamani na wananchi wengine  waje UB, ili waweze kupata elimu za  fani mbalimbali maana Ulimwengu wa sasa bila elimu ni tabu sana.

Waandishi wa Habari tukiitikia wito wa kukubali kwenda kujiendeleza kielimu Katika vyuo vikuu, ni wazi tutaondokana na tabia ya kukubali kutumiwa vibaya na Makundi yanayoasimiana kisiasa, Kibiashara kuchafua watu kupitia Karamu zetu, kujazana Ujinga ndani ya  vyumba Vya Habari .

Nafahamu neno Hilo linaweza kuwakera baadhi ya waandishi ambao hawataki  Mabadiliko na hawataki kujiendeleza kielimu kwasababu za kijinga Kuwa akienda shule kusoma Atakosa ' mishiko, safari'.Sijali, naamini nimesema kweli na Mungu atanilinda  na inawezekana ukiamua.

Mimi ni shahidi wa Hilo Kwani Mwaka 2009 -2010 nilipoanza kusoma kozi ya Cheti Cha Sheria Chuo Kikuu Cha Dar Es Salaam, kuna baadhi ya waandishi wenzangu walinicheka na kuniona chizi lakini nikamaliza Mwaka 2012- Juni 2013 nikasoma Diploma ya Sheria Katika Chuo Kikuu Cha Bagamoyo nikamaliza waliokuwa wananicheka Wakaanza kuniambia Kuwa walifikiri nilikuwa natania wakati nawaaga na kwenda Kusoma Sheria.

Waliposikia na kuniona Septemba  Mwaka 2013  nimeanza kusoma Shahada ya Sheria wameishia  Kusema Kuwa Kumbe nimedhamiria, na kwamba Mimi ni mwanamke wa Shoka na kwamba nitafika Mbali.

Nawatazama   kwasababu hawafahamu nawaza nini na ni kwanini MUNgu ananipa Nguvu na uwezo wa kusoma hivyo wakati Nasoma kwa tabu sana na kugeuka ombaomba wa Ada" Matonya'.

Licha Nasoma shule kwa dhiki na tabu lakini siku zinakwenda na shule ndiyo MUNgu akipenda  Julai Mwaka 2016 nitamaliza Shahada  ya kwanza ya Sheria.

Nimelazimika kujitolea mfano halisi Mimi licha sikupaswa kutaja adharani Kuwa Nasoma Kwa  dhiki, ili iwe ni amasa kwa wanahabari wenzangu ambao hawana mawazo kabisa ya kujiendeleza kielimu  Kuwa ukiamua na ukamtanguliza Mungu  inawezekana.

Mume wangu 'Rais Mdhurumiwa' Marehemu Dk.Sengondo Mvungi, Profesa Paramaganda Kabudi,Dk.Harrison Mwakyembe, Mwanangu ambaye ni mtoto wa mume wangu Marehemu Dk.Mvungi, ambaye ni Mkuuu wa Kitivo cha Sheria (UB) na Mjumbe wa Bunge Maalum la Katiba, Dk.Natujwa Mvungi hawa wote walikuwa ni waandishi wa Habari.

Tena  bora na DK. Mwakyembe na Dk.Natujwa walisomea  kozi ya uandishi wa Habari lakini  marehemu Dk.Sengondo Mvungi hakuwahi kusomea chuo chote kozi ya uandishi wa Habari licha alikuwa ni Mwandishi wa Habari wa Gazeti la Mzalendo na Dk.Mvungi alipelekwa kufanyakazi Gazeti la Mzalendo na Mwandishi Mkongwe nchini, Ndimara TIgambwage.

Lakini mwisho wa siku waliamua kukata shauri na kwenda vyuoni Vya elimu ya juu kusoma  fani ya Sheria na Leo hii wamekuwa ni msaada mkubwa kwa taifa hili Kwani wamekuwa wAkitumiwa na serikali, Jamii kutoa huduma ya taaluma Yao ya Sheria.

Hivyo binafsi nikiwa Natazama historia za  wasomi hawa, nimejifunza   jambo Moja Kuwa ukiamua kukata shauri kutaka kujiendeleza kielimu unaweza. Waandishi wenzangu ambao bado hamjakata shauri , hamjachelewa, anzeni sasa.

 Swahiba wangu Mchungaji  Christopher Mtikila tukutanapo au tupigianapo simu neno la lake la kwanza kuniambia ni "Saa ya Ukombozi...Mimi na Mjibu ni Sasa". 

Mataifa ya wenzetu yamepiga Hatua za kimaendeleo kwasababu waandishi wao wa Habari wameweza kwenda shule vizuri na Waandishi wao wengine wameamua kubobea Katika Nyanja Fulani , mfano Mwandishi wa Habari za mazingira amesomea kozi ya mazingira hivyo akiandika Habari inayohusu mazingira anaifahamu vizuri kwasababu.

Kama kweli waandishi wa Habari wa Tanzania tumedhamilia kulilitetea taifa letu maendeleo, basi tuzidi kujiendeleza kielimu na ikiwezekana tusomee fani nyingi tofauti na uandishi wa Habari ili mwisho wa siku uakiamu kuandika makala au Habari inayohusu labda mambo ya uchumi, Afya , Sheria unaiandika vizuri tena bila msaada wa Wanataaluma ya ya uchumi, Sheria au Afya kwasababu Tayari unakuwa unafahamu nini unachokiandika kwa mujibu wa taaluma hiyo.

Naamini tukiamua kujiendeleza kielimu miongoni mwenu 'mtakataa kugeuzwa geuzwa Kama  chapati'  na baadhi ya wanasiasa na Makundi mengine yenye Fedha ambayo ya natumia Fedha zao kuwahonga baadhi ya waandishi wa Habari kuchapisha Habari ambazo hazikidhi vigezo na zenye Lengo la kuchafua watu wengine.

Mwisho Nawashukuru wale wote walionishauri niende kusoma Sheria Kwani Leo hii naona faida ya ushauri wao kwani nimeweza kupanuka kifikra na kuwa imara katika fani yangu ya uandishi wa habari.Mungu awabariki sana.
Imeandaliwa na ; 
Happiness  Katabazi
Ofisa  Habari wa Chuo Kikuu Cha Bagamoyo(UB),
Mwanafunzi wa Mwaka wa pili wa Shahada ya Sheria(UB)
0716 774494.
Chanzo: Facebook: Happy Katabazi
Agosti 29 Mwaka 2014

KATABAZI ALIVYOAGWA TANZANIA DAIMA

- by Happiness Katabazi · - 0 Comments


KATABAZI NIKIAGWA NA WALIOKUWA WAFANYAKAZI WENZANGU  NDANI YA CHUMBA CHA HABARI CHA GAZETI LA TANZANIA DAIMA DAR ES SALAAM, LEO ASUBUHI AGOSTI 29 MWAKA 2014.
 NIWE MKWELI HIYO PICHA  YA KWANZA NILIJIKUTA  NAMWAGA MACHOZI WAKATI NAAGWA NA   'WAMBEA ' WENZANGU KWANI NIMEACHAKAZI HAPO NAKWENDA KUFANYAKAZI KATIKA CHUO KIKUU CHA BAGAMOYO (UB), CHENYE MAKAO YAKE MAKUU MIKOCHENI KWA WARIOBA, KAMA AFISA HABARI WA CHUO HICHO KILICHOPO MIKOCHENI KWA WARIOBA NA WAKATI HUO HUO NI MWANAFUNZI WA MWAKA WA PILI WA SHAHADA YA SHERIA.
NITAWAKUMBUKA SANA ' WAMBEA' WENZANGU'.
UANDISHI WA HABARI UPO NDANI YA DAMU YANGU NAAPA SITAACHA KUANDIKA MAKALA NA PIA SIKU MOJA MOJA NITAKUWA NAENDA MAHAKAMANI KUSIKILIZA KESI NA KUZIRIPOTI KUPITIA UKURASA WANGU FACEBOOK.





UB ILIVYOPANIA KUINUA ELIMU YA BIASHARA,UWEKEZAJI KIMATAIFA

- by Happiness Katabazi · - 0 Comments


UB ILIVYOPANIA KUINUA ELIMU YA BIASHARA,UWEKEZAJI KIMATAIFA

Na Happiness Katabazi

AGOSTI 11- 22  mwaka 2014, Chuo Kikuu cha Bagamoyo ( UB) kilichopo Mikocheni kwa Warioba Dar es Salaam, kiliandika historia mpya kwaniaba ya serikali Tanzania, kwa kuendesha  Mafunzo ya siku 14 ya jinsi ya kujadili mikataba ya Biashara na Uwekezaji  Kimataifa .

Mafunzo hayo ambayo yameshirikisha maofisa Biashara waandamizi toka serikali za nchi nane ikiwemo Tanzania na yalifadhiliwana na Taasisi ya Nordic Afrika ya Chuo Kikuu Cha Uppsalla , Sweeden  ambayo Taasisi hiyo ili wakilishwa na Profesa Francis Matambalya na mtandao wa vyuo vikuu vitano ambapo UB ni mwanachama wa mtandao wa (TANUP/PUTAna serikali   iliwakirishwa na  Biashara toka Wizara ya Viwanda na Biashara na Ofisa Biashara wa Wizara hiyo  Elia Mtweve.

Akizungumza Katika siku ya Kufunga Mafunzo hayo Ijumaa iliyopita Katika Hoteli ya Habour View Da Es Salaam,  Makamu Mkuu wa Chuo Kikuu Cha Bagamoyo(UB), Profesa Costa Rick Mahalu aliishukuru Taasisi ya Nordic Afrika ya Chuo Kikuu Cha Uppsalla, Sweedn kilichowasilishwa na Mtanzania ambaye ni mwadhiri wa Uchumi wa Chuo hiyo nchini Sweeden, Profesa Matambalya  kukubali ombi la Chuo Kikuu Cha Bagamoyo la kufadhiliwa Mafunzo ya jinsi kuandaa majadaliano ya Biashara na uwekezaji  kwa maofisa wa fani ya Biashara toka nchi  nane ambapo Tanzania kupitia Chuo Kikuu Cha Bagamoyo.

Profesa Mahalu pia alisema  anaishukuru  serikali ya Tanzania kukubali Mafunzo hayo ambayo ya naenda kusababisha Chuo Kikuu Cha Bagamoyo Oktoba Mwaka huu kuanzisha  shahada mpya ya jinsi ya kuanda mjadala ya Kibiashara na uwekezaji ambayo itakuwa ni shahada ya kwanza kuanza kutolewa Katika vyuo vikuu hapa nchini na nchi zilizoshiriki Katika Mafunzo hayo, yaendeshwe hapa nchini.

Profesa Mahalu alisema  washiriki wa Mafunzo hayo walitokea nchi Tanzania ambayo ni Mwenyeji,   Kenya, Uganda, Burundi, Rwanda, Lesotho, Kongo, Malawi, Ethiopia, Zambia na Madagascar.Na Baadhi wa washiriki ni maofisa wa juu wa serikali wa nchi wanazotoka na mmoja ni Mkurugenzi  wa Taasisi za Sekta Binafsi nchini Lesotho, Thabo Quesi na wengine wanatoka Vyuo Vikuu Vya vya mataifa Yao.

' Kwa Kuwa Mafunzo haya yameletwa UB, Kwaniaba ya Chuo Kikuu Cha Bagamoyo, tunaahidi kufanya mradi wa Mafunzo haya ni endelevu na unakuwa  kwa kasi Kwani Tayari tumeishaanzisha Taasisi mpya itakayokuwa chini ya Shule ya Biashara na Utawala ya UB inayoongozwa na Dk.Lenny Kasoga  ambapo Taasisi hiyo itakuwa inatoa  Mafunzo ya jinsi ya kuandaa majadiliano ya Kibiashara na uwekezaji :

" Nanaiomba serikali kupitia Wizara ya Viwanda na Biashara iruhusu maofisa wake wa Biashara waje kusoma shahada hiyo Kwani shahada hiyo itakuwa ni mpya na itawasaida maofisa Biashara wetu kukabiliana na tatizo la kushindwa kufanya vizuri Katika eneo la majadiliano na Biashara ya Kimataifa na wananchi wengine Waje kusoma kozi hiyo" anasema Profesa Mahalu.

Profesa Mahalu Alisema Seneti ya UB Imefikia uamuzi wa kuwatunuku  uprofesa kuwa maprofesa  wa UB, wasomi wanne waliobobea Katika fani Biashara na kutokana na Seneti imejiridhisha Kuwa wasomi Hao wamefanya mambo Makubwa kupitia taaluma ya Biashara .

Aliwataja wasomi Hao Kuwa ni Dk.Dickson Yeboah ambaye ni Mfanyakazi wa Shirika la Biashara la Dunia (WTO) yenye makao yake makuu  Geneva Uswiss, Dk.Francis Matambalya,Dk. Baoudoiun Michael na Mkurugenzi wa Mtangamano  wa Biashara toka Wizara ya Viwanda na Biashara nchini, Lucas Saranga Kuwa maprofesa.Na kwamba kuanzia siku hiyo ya Agosti 22 Mwaka huu ,wasomi Hao wametunukiwa Kuwa ni maprofesa.

Aidha Balozi Mahalu anasema sherehe za ufungwaji wa Mafunzo Yale uliambatana na kuwatunuku uprofesa na pia kuzindua Mtandao wa vyuo vikuu vitano  (TANUP/PUTA)  ambavyo vyuo vikuu hivyo vi nafanyakazi Kwa kushirikiana ambapo ulizinduliwa Mtandao huo.

Mkuu wa Shule ya Biashara na Utawala ya Chuo Kikuu Cha Bagamoyo, Dk.Lenny Kasoga , Profesa Lucas  Saranga, Profesa Yeboah ,Profesa Matambalya , Profesa Baoudoiun na Profesa Vale Karugaba ambao wote walikuwa ni wakufunzi katika mafunzo hayo kwa nyakati tofauti walisema waliweza kuwafundisha washiriki wa mafunzo hayo mambo makuu matano:

Moja, kiwango cha biashara na uwekezaji kilichofikiwa.Pili, misingi ya uwekezaji  na mazingira ya biashara katika ngazi ya kimataifa, Tatu; Uchambuzi wa uwiano wa ushindani  wa kibiashara na uwekezaji ngazi ya kimataifa. Nne; Nadharia  ya majadiliano ya Biashara na uwekezaji kwa   vitendo.Tano; kushiriki kwa majadiliano ya Biashara  na uwekezaji.

Aidha Matambalya ambaye Taasisi yake ndiyo Imebadili Mafunzo hay ya kwanza kutolewa nchini anasema yeye ni Mtanzania na anafanyakazi Katika Taasisi hiyo ya kigeni ya Nordic ,Uppsalla,Uswiss ataakikisha huo mradi wa Mafunzo ambao wameupeleka UB, unakuwa endelevu na Taasisi yake itaendelea kufadhili ili Watanzania wengi waweza kusoma kozi hiyo ili mwisho wa siku taifa liweze kuondokana na tatizo la Kuwa na wataalamu wasiyobobea Katika eneo la majadiliano ya Biashara na uwekezaji na kuingia mikataba na wawekezaji .

Kwa upande wake  Aliyekuwa mgeni rasmi katika kufunga mafunzo hayo ,Mkurugenzi Msaidizi  wa Idara ya Elimu ya Juu serikali imewataka   washiriki wa mafunzo ya jinsi ya kujadili  mikataba ya Biashara na uwekezaji   kutumia taaluma hiyo waliyoipata kwaajili ya kuleta manufaa kwa mataifa Yao.

Dk. Mbwambo kwaniaba ya Waziri wa wizara hiyo, Dk.Shukuru Kawambwa anasema  serikali  inakipongeza Chuo Kikuu Cha Bagamoyo (UB), kwa kuandaa Mafunzo hayo ambayo yameshirikisha maofisa wajuu wa serikali mbalimbali Kwani kupitia Mafunzo Hao maofisa Hao wameweza kubadilishana uzoefu wa masuala ya nchi zao kuhusu Sekta ya masoko na uwekezaji.

Dk.Mwambo anasema  kila kukicha baadhi ya nchi za Africa zimekiwa zikigundulika kuwa na utajiri mkubwa aridhini na mfano mzuri ni nchi ya Tanzainia ambayo imegundulika kuwa ina nishati ya gesi , madini hivyo kupitia mafunzo hayo  kwa upande wa Tanzania  Wizara ya Viwanda na Biashara iliwakirishwa na maofisa wake Wawili wameweza kupata ujuzi ambao utaki saidia serikali ya kuweza kufanya vizuri Katika uandaaji wa masoko na uwekezaji wafanyabiashara wa Kimataifa watakaokuwa wanakuja kuwekeza nchini.

' Nchi nyingi za Afrika ikiwemo Tanzania zimegundulika Kuwa na  utajiri mfano Tanzania hivi sasa imegundulika Kuwa na  nishati ya gesi hivyo Mafunzo hayo yataisidia nchi kuondokana na tatizo kuingia mikataba na wawekezaji wa kigeni ambayo italeta tija kwa mataifa ya nchi zinazoendelea.

Nao washiriki wa Mafunzo hayo Bifou Lufuma toka Serikali ya Kongo na Thabo Quesi  (Lesotho) na Elia Mtweve kutoka Tanzania wanasema Mafunzo hayo yamewajengea uwezo na kwamba watakuwa mabalozi wazuri Katika maeneo Yao ya Kazi na kwamba wanaiopongeza UB kuendesha Mafunzo ambayo ni ya kwanza kutolewa hapa nchini.

Mwandishi wa makala hii ni:
Ofisa Habari wa Chuo Kikuu Cha Bagamoyo (UB)
0716 774494
Blog:www.katabazihappy.blogspot.com
Facebook: Happy Katabazi
Chanzo: Gazeti la Tanzania Daima la Jumamosi, Agosti 30 Mwaka 2014







Subscribe

Donec sed odio dui. Duis mollis, est non commodo luctus, nisi erat porttitor ligula, eget lacinia odio. Duis mollis

© 2013 .. All rights reserved.
Designed by SpicyTricks